Google ADS

Ambasadorja e Kosovës në SHBA reagon për sulmin ndaj dy kosovarëve në Serbi

20:23 | 8 Tetor 2018
V. S.

Ambasadorja e Kosovës në Shtetet e Bashkuara të Amerikës, Vlora Çitaku, ka reaguar pas lajmit se dy shqiptarë nga Kosova janë rrahur brutalisht, në natën e së dielës, në Serbi.

Ata janë sulmuar, në një rrugë, në qytetin e Novi Sadit. Që të dy janë furrtarë, nga Hasi i Kosovës

Gazeta Express ka raportuar më herët për identitetin e njërit prej kosovarë të sulmuar në Serbi. Bëhet fjalë për Çlirim Malokun, i cili në qytetin serb ka shkuar vetëm pak kohë më parë, për të punuar.

Çitaku ka shkruar në llogarinë e saj në Twitter se Maloku është sulmuar për shkak se ka folur shqip në qytetin serb.

“Emri i tij është Çlirim Maloku. Ai është nga Kosova. Emri i tij do të thotë Çlirim. Ai është lindur më ’99, vitin kur Kosova është çliruar nga okupimi serb. Javën e kaluar ai është rrahur në Serbi, sepse ka folur gjuhën e tij amtare. Sot ai po lufton për jetën e tij. Merreni me mend”, thuhet në shkrimin e saj. /Express/

Shpërndaje në rrjete sociale

Lajmet më të lexuara

Të ngjashme

Foto lajm